وتااااانى سامى المغربى والضامر قوامك لان سمع وشوف

حبابكم عشره
اسهاما منا فى رفع الزوق و الوعى والمستوى الغنائى للمنتدى كان لابد من جرعات كثيره من مبدع لاتحده حدود
نقش اسمه من نور على خارطة الغناء السودانى رغم رصيده الضئيل من الاعمال الخاصه الا انه ملاء الساحه اعجابا وانتزع التصفيق من اكف السامعين, سامى الذى لو تواجد بين ظهرانينا لتوارى كل انصاف الفنانين خلف حجاب ( بالعربى كدا ناس ديكور وطه ديل كان بدرى طلعو شجرم).
غنى فاجاد, ينتقى المفرده الجميله واللحن المتفرد, اصعب الالحان تخرج من فاهه عزبة شجيه
لله درك ياسامى
اليوم نمتع مسامعنا برائعة المبدع الاستاز ابو صلاح بصوت المتفرد سامى
الرابط:
http://www.4shared.com/file/29302270...ified=62699099
النص:
ضامر قوامك لأن
قلبك قسى وجافيت ليه يا جدي الغزلان
أسهرت جفني ملان
يذرف دمع نازل كالمزن في الهملان
ما بصح لي يا فلان
طرفك دوام ناعس وأنا طرفي ما غفلان
ظهرت شكلك بان
كوكب منير أشرق من فوق غصين البان
كم ليك محب تعبان
درب العشق ساهل ودرب الوصال صعبان
كالظبية في اللفتان
أما الخديد ناعم ذي زهرة البستان
تجد الطباع آمن
وحسن بديع رائع منظر جميل فنان
لا يحصى وصفه لسان
وجهك بدر كامل من البدور إحسان
ما قصدي فيك لمسان
مقصودي بس شوفتك لا تضيعني يا انسان
القمري في الاغصان
ذكرني ألفاظك وقلبي انطرب فرحان
يتواري لي لمحان
بروق درر فاهك بالراح والريحان
ليه كفك اتحنن
وليك قلب قاسي ما فيه لي حنان
يالراقص الفنان
حبك ملك قلب وجننت عقلي جنان

اسمعو وانطربو وربنا يرد غربتك ياسامى عشان تسكت لينا اشباه الفنانين واخوات الفنانات