صدقيني بريد عيونك وريدن اصبح فيني واحة..
أصلي من يوم شفتك انت قلبي خصص ليك مساحة..
كلمة منك ياحبيبة تفرحو وتديهو راحة..
داير اقول ليك بي صراحة ...
إنت ديمة مكسراني وفيك بتلقى الروح براحة..
إنت دايما تسعديها .. إنت ضحكتا وانشراحه..
إبتسامتك مرة طلت في وجيهي ووقفت نبضات قليبي وخلخلت جواي ساحة..
صدقيني بريد طباعك .. وكل منايا سهام عيونك لو تصيبني ومرة تدري...
صدقيني بريدك انت وريدي ليك ياحلوة عذري..
لو قليبك لي يصفو... لو نسيماتك تهب يا غالية تهفو..
أصلو الجمال الفيك ساحر وكم صعب لعيوني وصفو..
آخر كلام ياحلوة فيك.. جل الخلق عينيك في غاية السماحة...
وصدقيني بريد عيونك وريدن اصبح فيني واحة...