اقوى شعر عربى

بسم الله الرحمن الرحيم

قالت خلاص اببتعد عنك وانسـاك
إنت السبب في كل شي جرى لـي
مليت عيشة هـم واحـزان ويـاك
ومليت انا ظنون بها اتعبت حالـي
خلاص ما ريدك ولا ريـد لقيـاك
بنساك وانسى كل شي مضى لـي
وارجوك تنساني وتنظـر لدنيـاك
لا تنشغل بي رح وتلقـى بدالـي
قلت اه ياهـذا الزمـن اه مقسـاك
تعطي الفرح غيري وترمي العنالي
الحين صرت رخيص يابنت مسواك
ومن اول كنت الغلا فـوق غالـي
الحين صرت انا السبب في خطاياك
نسيتي الفرحـة وذ يـك الليالـي
ياليت يابنت اقدر انساك وانسـاك
إذا نساك القلـب جابـك خيالـي
كنتي بقلبي اللي على نفسة اغلاك
وكنتي بعييني منزلـك دوم عالـي
تزعلينـي وارجـع ادور ارضـاك
واذوق منك المـر واقـول حالـي
لاتخلقين اعـذار يابنـت لجفـاك
وتنسي خطاك وتحسبين الخطا لي
قولي خلاص القلب ماعاد يبغـاك
قولي لقيتـي مـن يحبـك بدالـي
كانك تبين البعد انـا مـا ترجـاك
روحي بدربك واتركينـي لحالـي
إن كان عفتينا بـلا شـك عفنـاك
هذا مثـل بيـن الخلايـق يقالـي
وان كان بعتينا تـرى ماشرينـاك
مانشتري من باع لو كـان غالـي
خلاص ببعد دامني صرت بلـواك
واترك طريق جوها ما صفـا لـي
ولاتحسبيني ميـت عقـب فرقـاك
بادور الفرحـة لعمـر بقـى لـي
خسارة الوقت الذي ضـاع ويـاك
خسارة العشـرة وذ يـك الليالـي
ياللأسـف ياليتنـا مـا عرفنـاك
ياللأسف قلبك من الحـب خالـي