منتديات نبــض السودان

احباء للابد... نبضنا للابد
 
البوابةالبوابة  الرئيسيةالرئيسية  اليوميةاليومية  مكتبة الصورمكتبة الصور  س .و .جس .و .ج  التسجيلالتسجيل  المجموعاتالمجموعات  دخولدخول  
شاطر | 
 

 شعر شايقي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
angel
مشرف الملجة
مشرف الملجة


ذكر عدد الرسائل: 34
العمر: 26
تاريخ التسجيل: 13/12/2007

مُساهمةموضوع: شعر شايقي   السبت ديسمبر 29 2007, 20:19


السلام عليكم ورحمة الله وبركاته اول شي ان شاء الله كلكم تكونوا على اتم صحة وخير Cool يا جماعة لازم

تشوفوا الشعر السوداني دا



قصيدة من الشعر الشايقي


مادام هى ما راعت شعورك ولا ضميرا هى استحى
أنساها والبكا مابيفيد قشقش دموعك وأمسحا
كلمنى شن وداك قبيل تظهر مشاعرك تفضحا
خليت حى السوق رياض يانعة وزهورا مفتحة
طولت إيدك لى قطوف زهرة وغميسة مسارحا
زى ما هى عاشقة الإغتراب برضو أنت عاشق ملمحا
ما كنت يا مظلوم دوام دايماً تشكرا تمدحا
وما ترضى لو كان بالغلط بى كلمة انسان يجرحا
ما كت فوق كل البنات تسرد محاسنا تشرحا
كانت عواطف إنسان ضعيف ساكت جناحى مجنحا
انشاء الله منها تتعظ تكون عظات تتوشحا
كانت حساباتك غلط فى القسمة والضرب اتمحا
اتأنى فى جبر الكسور براحة أجمعا وأطرحا
وآخر شى كان تعلرف براك حتى الغرام بقى مصلحة
بت حوة يا مظلوم بقت بالمال عقولا ملقحة
يا ريت قلوبنا الناس بعد ما تحب تخش المشرحة
يبدو المكامن فى القلوب كيف الشرايين تنضحا
يتراجع الأخدو اللسان صح والله زى ضل الضحى
مغرورة ما دارت سكون بلدن شقاوة ودردحة
لا تمشى تنزل بى تحت لا حتى أرضك تنقحا
لا بوغة لا موية شراب لا واطة ماها مصلحة
لا شلت للمحرات فطور لا شتلة ماها مصفحة
كانت قبيل طمعانة فيك فارسن جيوبو متمسحة
دايراكا يوم جيت للعرس نار الله فى الناس تقدحا
الشيلة بالشنط الكبار مقفولة راقدة مبطحة
فى الحلى والناس دار تشوف راجين متين تجى تفتحا
وكان بالا فى شهر العسل طول الزمن ما يبرحا
ترحل معاك لى بيت كبير موكيت وحيطو مسلحة
عربيتك الملك الحلال ..جلد النمر والملفحة
بوتوجاز مولع وديب فريزر وأب رموت والمروحة
تسرق مناها قبل يتم وكل المشاعر تضبحا
ويا جعفر الحياه مدرسة ودايما مقررا فى الصحى
ممكن نعينك فى الدروس لو إنت غلبك تشرحا
وأعرف بأنو أول درس الزول بياكل المقدحا____________________________________________________________
الشافعة


كيـفـن أصـبــر قلـيـبـى.. وكـيـفـن أعـمــل حـسـابـى
مـا دام عشمـى فـى نظـرة .. والعنـدو النظـرة مابـى
بجرو غنايا أحكى ليكم .. تعالو أسمعوا يـا صحابـى
حكايـة الشافعـى البريـدا .. وريــدا شقـايـا وعـذابـى
أحـن لهـا حـن القـمـارى .. تقوقيـبـا أوتــار ربـابـى
واهوى الهوى فى هواها .. وهواها قرايتـى وكتابـى
منـو الـقـال ليـكـم عقـلـتَّ .. وحاتـكـم جنـيـت دابــى
بقيـت لمـان ليهـا أفـارق .. أفـارق عقلـى وصـوابـى
أضيق لمتين ليها أرجع .. أخاف مايطول بى غيابى
أعاين زين فيها وأشبع وأزيد إعجاب على إعجابـى
أشـرِّق ويـن مـا أغـرِّب .. وأشيـل هـمـى وإكتئـابـى
محل ما أمشى ألاقى طيفاً.. مشتت فكـرى وحجابـى
تطير روحى بعيد تغـازل.. خـدودك زهـر الروابـى
تتعلـق بيـن عيـونـا .. ورمـوشـا الـبـى فـوقـا كـابـى
قليبـى يفـارق ضلوعـى .. يـلاهـى عليـهـا ويشـابـى
بعـيـد مابيـقـدر يـقـاوم.. بـريـق البـسـمـة السـحـابـى
صديـرن لمـا يتفـرَّ .. تبـق نــار الله فــى أعصـابـى
وقديلتن كيتن علـى .. وا نشـاف ريقـى وخـم ترابـى
حنينـى ومـرات بتقسـى .. تقـول فـى نفسهـا اتغـابـى
إتغابى العرفـة فيهـو .. وا زرف دمعـى ووا خرابـى
صحيح أصبحت مملوكا .. أسـوِّى أورادى وأزنابـى
متـل مـا ملكـت فـؤادى .. أنـا ملـك شيطـان الكتابـى
أخاف مـا بقـدر أعاتـب .. أقـول تزعـل مـن عتابـى
أموت أحسن من هى تزعل .. أو تزرف دمعة كابى
عشانا أنـا كـم ضُقْـتَّ مُـرَّة .. عشانـا مهمِّـل عقابـى
عرفت الله فى عذابك .. إنـتَّ خـاف الله فـى شبابـى____________________________________________________________
لسان الحال

معذرة.. لو معاك منى الكلام حـــــره
معليش الخطاب كاتباهــــــو متطرة
حـــــــــــرام والله مننـــا إنت تتبرا
خمسة سنين تفوت تجى فيها فد مرة
وراك أنا كم شقيت وعشت فى مرة
وتعبـــت مع البطان الهم للعيون غرة
بيخاف الغرق الغاص ورا درة
قالو أدب الصغار والعقــــدة من خدرة
حليلى أنا الزمن ضى فاطرى ما انفر
وخمسة سنين غياب مابتحملن حرة
أنا الحاضنة العذاب وآمالي محتضرة
وإنت الفي النعيم ما خات حساب بكرة
مسكينة التقول فى الإغتراب سترة
وتتناسى القروش فى يوم تكون ضرة
حليل زمنك وكت عايشنا بالأُجــرة
يا ريــــت لا عرفـــــــت ولا مرق برة

الكاتماه فى جواى كتير متملك الجوف والعصـب
وما كت دايرة أقولو ليـك لكن لسان الحال غلـب

ما بنسى يـوم ودعتـنا وسافـرت فى غـرة رجـب
خلـيت وراك الـدار حـزين يتباكـا والدمع انسكـب

أعذرنى والله العظيـم لو ما الضـرورة أنا ما كـتب
وأنا خايفـة فى بعـدك يكون الضاع
هو ضعف المكتسـب

اليومـة داك ناس البلـد هنونى شايقيـى وعرب
قالو لى مبروك خير وجاك يكتب سلامـتو الإغــترب

قالو لى دوب نجم السعد
طلاكى من بعــد إحتجــب
يا دوبا بالك يستريح
وتنسى العــذابات والتعــب

فضّلت أحسب فى الشهور
قاعدالى فوق نيران لهــب
صابرة وحريصة على العيال
لا بيقو للريح فى المهـب

سديت خانتك مــن مشيت قايمـابو واجبـى كأم وأب
والأسـرة يضنيها المسير
وتتهاوى لو ما فيها رب

والله ما بنـكر جميلك برضـو لينا ثناك وجب
موكب هداياك ما انقطع
كان سترة فى الزمـن الصعب

لابسين وماكلين والنعيم كايلنا
فى يوم ما نضب وعايشين معيشـة المترفين
طولنا والطبع إتخرب

البيت مفرش بالحرير ومليانة إيدى بالدهب
لكن خسارة على محل
عاش سيدو خمسة سنين عزب

الشى المهم ما قلتو ليك
وليهو إنت ما ظنيت
حسب كبرو الصغيرونين خلاص
خايفالم الطبـع الكعب

وصولوها مرحلة الخطر
والأمن ما زال مستتب
وانا كتّ قادراهم زمان
لكـن بعد كبـرو اتغلب

حصلنى قبل الجد يفوت
دوبنهم فوق العتب
قبال نحصـد الخير ندم
ومابيجدى كان لمت وعتب
خايفالم الطيش فى الدروس
ومابرضى لو واحد رسب
خوفنى المتعبنى الكبيــر
بعدين يمرقو بلا أدب

وريتك الحاصل على
لا فيهو ثورة ولا غضب
شان الحديث مايبقى نى
والواحـة يكتنفا الجدب

أنا قلبى مازال لسة حى
ونجمو الملاهج ماغرب
وآخر كلامى ترد على
لا أبقة بكــرة أنا السبب
ما كنت دايــرة اقولو ليك
لكن لسان الحال غلب___________________________________________________________santa واسمحو لي لو قصرتا في شي ومشكوووورين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
امجد بدرالدين
المديـــــر العـــام
المديـــــر العـــام


ذكر عدد الرسائل: 616
العمر: 31
تاريخ التسجيل: 23/10/2007

مُساهمةموضوع: رد: شعر شايقي   الإثنين ديسمبر 31 2007, 21:38

كيـفـن أصـبــر قلـيـبـى.. وكـيـفـن أعـمــل حـسـابـى
مـا دام عشمـى فـى نظـرة .. والعنـدو النظـرة مابـى
بجرو غنايا أحكى ليكم .. تعالو أسمعوا يـا صحابـى
حكايـة الشافعـى البريـدا .. وريــدا شقـايـا وعـذابـى
أحـن لهـا حـن القـمـارى .. تقوقيـبـا أوتــار ربـابـى
واهوى الهوى فى هواها .. وهواها قرايتـى وكتابـى
منـو الـقـال ليـكـم عقـلـتَّ .. وحاتـكـم جنـيـت دابــى
بقيـت لمـان ليهـا أفـارق .. أفـارق عقلـى وصـوابـى
أضيق لمتين ليها أرجع .. أخاف مايطول بى غيابى
أعاين زين فيها وأشبع وأزيد إعجاب على إعجابـى


ومبالغة ياانجل يارائع

انت زول ماهين

الله يديك العافية

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://amgednet.ahlamontada.com
akram
مشرف منتدي الهاتف الجوال
مشرف منتدي الهاتف الجوال


ذكر عدد الرسائل: 1482
العمر: 25
تاريخ التسجيل: 24/10/2007

مُساهمةموضوع: رد: شعر شايقي   الخميس يناير 03 2008, 21:21

شكرا يا angelعلى القصيدة وعرضهاللجميع

ونجد الشوايقة عبرو عن دواخلهم بطريقة جميلة

وواضحة لجميع الاجناس وبلغة سهلة يفهمها الجميع

وجد آثرتي هذه الكلمات00000 الشايقي عبر بكلماتو

تسلم وبارك الله فيك يا غااالى على القصيدة الرائعة دى

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
aboawah
مشرف منتدي القصص والحكايات
مشرف منتدي القصص والحكايات


ذكر عدد الرسائل: 735
العمر: 36
تاريخ التسجيل: 25/10/2007

مُساهمةموضوع: رد: شعر شايقي   الخميس يناير 03 2008, 22:02

الله علي الشوايقة الحنان
والله عليك يا أنجل

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
angel
مشرف الملجة
مشرف الملجة


ذكر عدد الرسائل: 34
العمر: 26
تاريخ التسجيل: 13/12/2007

مُساهمةموضوع: رد: شعر شايقي   السبت يناير 05 2008, 18:42

مشكووووووووووووورين يا جماعة على المرور

و بالفعل اهلنا الشوايقة مبدعين لاقصى الحدود ^_^
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 

شعر شايقي

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات نبــض السودان :: منتديات الترفيه والتسالي :: الملــــجة-