منتديات نبــض السودان

احباء للابد... نبضنا للابد
 
البوابةالبوابة  الرئيسيةالرئيسية  اليوميةاليومية  مكتبة الصورمكتبة الصور  س .و .جس .و .ج  التسجيلالتسجيل  المجموعاتالمجموعات  دخولدخول  

شاطر | 
 

 حمـــ سكر زيادة ـــادة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
لينورا
مشرف منتدي الصحة
مشرف منتدي الصحة
avatar

انثى عدد الرسائل : 159
العمر : 26
تاريخ التسجيل : 07/11/2007

مُساهمةموضوع: حمـــ سكر زيادة ـــادة   الأحد ديسمبر 23 2007, 07:23

ده موضوع منقول من احد المنتديات

تننننننننننننن .. تننننننننننن .. تننننننننن ..
* يا الله .... أفففففففف هسع ستة و نص دي جات متين !!؟ .. ياخيييييي ,, كدي آخد لي سندة كده (دقيقة بس!) و بعداك بقوم ... جخخخخخخ ..
.....
....... .. بعد شوية جا صوت حنيّن من برة أوضة حمادة ..
* حمادة ... حمادة .. حمادة ,, قم يا بابا إنت الليلة مش عند محاضرة السـ 8 ـاعة يللا يا قساي أنا ,, إستحم سريع تلقاني جهزت ليك الشاي باللبن ..
((حمادة حضرة سعادتو لسة ما صحى كويس ..
* مممممم .. شنو يا ماما!!؟ .. لالا ده من أمبارح عليْ قا.... ((برطمك برطمك برطمك.. )) شنو!!!!!!! أي أي عندي محاضرة .. ده شنو !!!!؟؟؟ الساعة بقت سبعة!!!؟؟ لكن بتبالغي يا ماما يعني تخليني نايم لحدي هسع ..!! لالالا ..!!
(( أمه المسكينة شفقانة قالت لي:
* أجي يا حمادة!! بري والله نسيت,, أعفي لي النبي ,,, إنت على حس أمبارح قلت لي بضبط الموبايل ما جيت صحيتك..!!
((حمادة إتندل من السرير و بيجرجر في كرعي .. زي كأنو مودينو المشنقة..
* آي يا ماما صاح ,, لكن أنا قفلت الموبايل و قلت أنوم دقيقتين ,, لقيتا نص ساعة !!!!!!
(( عامل مستغرب..!!!! .. دخل الحمام حمادة أفندي و قريب الساعة هو بيستحم و كأنو ما عندو محاضرة بعد ساعة مما صحى..!! . طلع من الحمام آاااخر رواقة و يشيل و يجلط في الشعر بالجل الواقعين في أولاد الزمن ده ..... بعداك ..... وقف قدام القمصان يختار..!! الكاروهات الأزرق؟ لالا,,, ده كلو ما ألبسو لازم أصبح بي واحده شينة ... لااااا ما بلبسو ... الابيض بي رمادي!!؟ ده مكسر سهام ,,, كل ما ألبسوا إلا تعلق ... ما بتجي الليلة ... خليهو. ألبس الأصفر!؟؟ لالالالا .. يقوموا البنات ديل يسحروني ,, خليهو. أخش في الأبيض.. لاااااااا يا دووووب ما رجعت البيت بي تايفويد .. مع إنو بكون شكلي جاي من أوروبا لما البسو على قول ندى.. وررررر .. ورررررررر .. وررررر.... في النهاية ,, جر حمادة القميص الأصفر و خش في ,, و لبس الجزمة,,, و أووول ما طلع من با ب الأوضة ,, عمل فيها مستعجل قدام أمه ,, و هي بيهناك في المطبخ قربت تكسر نص عدتها في درب(حمادة إتأخر!!!!)
* حمادة ,, هاك الشاي حبيبي..
((قرطع قرطع ,,, حمادة مستعجل شدييييييييد ..
* خلاص باي يا ماما
* مع السلامة يا حمادة ..
********* حمـــــــــــــادة********** دفاترك يا قساي أنا ..
* أخ ,, صاح ماما قربت أنساهم .
(( حمادة ركب العربية
عربية كامري بيجية
الريد ده قاسي علي
حمادة أمه أصلية
وييييييييييييييييييييين .... (( رت .. رت .. رت ,,, حمادة يبششششر
*أبشري..
(( بعد ما وصل الجامعة ........ طبعا و أكيييييد الدكتور دخل ليهو ساعة لأنه حمادة ببساطة بعد برنامج البيت ,,, وقف في الدكان ,, لما شرب سيجارته وونّس بتاع الدكان .... و أخيراً وصل الجامعة ,, طبعا بعد ما أي زول سلم عليهو وونسو و ما خلّى شي ,,, ما حمداة ده ولد ظرييف و دمه خفييييف و حبّييييييييب ... اها لما قرب من باب القاعة ..... فجأة !!!!!!
****** أحـــي أنا ****** دي شنو الصاروخ دي !!! دي نزلت من وين دي!!؟؟؟ لا ححححولا...
((صاحب حمادة قاليهو ..
*معقولة بس يا حمادة .. أول مرة تشوفا!!!!؟؟ دي ما ميسون البرلومة دفعتك!!...
(( حمادة طبعا مفروض يكون سينيرها ... لكن ويييييييين مع الحفلات و الرحلات و الجكس .... معليش ياخوانا ,,, القراية ملحوقة ,,, بعدبن حمادة ده ولد مرتاح ووجيه و عندو عربية .. و جكس السودان ده كلو نفسو حمداة يديهو نظرة والا إبتسامة ...
* لكن يا عليْ بتباااالغ معاي ... أول مرة أشوفها ... دي كانت متدسية مني وين!!!؟؟؟ .. كدي عرفني بيها هسسسع دي
* روق .. روق يا مان هي ما مدسية ,,, لكن إنت فاضي!!!؟؟؟
* آاااااااه ,, لالا , يا زول بالغتو معاي .. النجفة دي تدسوها مني!! ارح عليها ...
*دقيقة يا منقة .. المحاضرة !
* إنعل دي....محاضرة شنو!!!! أرح للوجع ده أول .....
.....
* Hi .... إزيك يا ميمي كيف تمام؟ حمادة ميمي.... ميمي حمادة..
*Hi حمادة..
(( حمادة طبعاً تخّن الصوت زيادة و رفع الفوليوم , و فتل العضلات سمممممممح .. و عمل فيها هندي و ما مهتم بي ميسون ...!
* Hi .... مروقة!؟
* ميمي ... حمادة طبعا معانا في أولى أكيد شفتيهو صاح؟
* و الله !!!!!! ... إتشرفنا.
(( كضاااااااااابة ,,, شافتو و روحا مشحتفاها إلا تعرفو و إلا تسلم عليهو .. عشان تكاوي باقي صاحباتها بالتعرف عليهو ..... حمادة صاحبنا عامل رايح .. و ما مهتم بالبت ,,, و عليْ المسكين يشيل و يفتح في المواضيع ..
* ميمي , مالك ما دخلت المحاضرة!؟
* و الله يا عليْ بعد ما دخلت .. الكهربا قطعت جوا و ما قدرت أستحمل أحضر المحاضرة من غير split unit ... ما متعودة على كده ..!!!!
* و الله يا ميمي بتباالغي ,, كان تستني الاتندينس (الحضور) سمح!
* لالا ,, ما مشكلة ,, عمو شوقي صاحب بابا شديييييد ,, ما عندي مشكلة مع المادة دي..
(( عمو شوقي ده الدكتور المشحوط جوة..!!
* إنتو مالكم ما دخلتو المحاضرة؟ .. إنت و حمدي .. آاااقصد حمادة ..؟
(( كضاااااابة ...
* و الله حمادة صاحبي ده جا متأخر ,, لكن أنا ما عندي مزاج ..
(( أخونا حمادة عامل فيها رايح .. و لامن سمع إسمو ,, إنتبه!
*سامع إسمي أنا ...!
* إنت ما معانا والا شنو..!!!؟؟
(( دي ميمي المغسة هارداها و مغيوظة و داساه ,,,
* لالا ... بس عندي كم حاجة شاغلاني .... منتظر تلفون ...
(( كضاااااااب .... بس كدي خلونا نشوف نهاية القصة شنو ..!!
* إنت يا حمادة ما حسمت الموضوع داك ؟
(( ده علي ْ كمان .. داير يتم المكنة البداها حمادة...
* إتخيل يا علي ! .... و الله ما عارف أنهي الموضوع ده كيف !!!؟؟
(( طبعاً ميمي هسع راسا بقى يودي و يجيب..!
*عارف يا عليْ ... أنا خاتي تلاتة أرباع راس مالي في المشروع ده ... لو ما إتسهل .. حطش جد!!!
(( أححححح ... ميمي إتنفست الصعداء ,,, قايلة الموضوع عن بت ! .. طلع شغل . قامت ميمي حبت تدخل الموضوع و تعمل و ناسة...
* إحم إحم .. أنا زي واقفة معاكم !
(( هنا خلاص ,, حمادة يا دوووب ما ينفش ريشو و يعمل عمايلو الجابت ريسين جكس السودان ده كلو...
* و الله يا ستي .. وررررررررر .. ورررررررر
(( ميمي خلاااص إتكسرت و إتدشدشت علي العليها ,,, و حمادة لفّ راس ميمي في قرطاس .. الأرض ما سايعة ميمي هسع ... معقولة بس!!! حمادة يجي و يسلم عليها و يقعد معاها يحكي ليها ده كللللو بالسرعة دي!!! ... تاني ما حتدخل محاضرة .. في المحاضرة والا المحاضرتين البتلم فيهم- صدفة !- في الشهر .. ده كلو عشان تكون ظاهرة , و حمادة يلاقيها ... ما أصلو! العلم ده مافوقو عمار..! . بعد شوية الطلبة مرقوا من المحاضرة و حمادة لسة بفضفض للبت ,, و بيحكي ليها مغامراته مع الشفرد و جدعاتو في السوق و كده .. إنتو قايلين شنو!!!؟ حمادة ده أشفت ولد في السودان .. الله!!!! . صاحبات ميمي دمهم فار و إتدفق ..
* البت دي قعدت كيف مع حمادة؟ أمبارح دي كانت باكية بس عشان يعاين ليها .. والله غايتو !!!
(( و صاحبات حمادة برضو غلو من جووووة..
* ده شنو ده كمان!!!!؟ قبل على ميمي زفت دي؟؟؟ هسع عاجبوا شنو في الحلبية العصعصة دي!! لااااا .. حمادة زوقو خرب لازم نصلحو ليه ..
.....

........
.. مستنين شنو؟؟
.. !؟
آاا .. باقي القصة ... دقيقة,,
(( الخلطة بتاعت حمادة بقت من نص ساعة .. ساعة .. لي كم ساعة .... بعد شوية الولد قام نظام عندو إجتماع ,, و ما بقدر يخالف مواعيدو لانو مع تجار و رجال أعمال ... كييييييييف!! انتو قايلين حمادة ده هيّن و الا ليّن .. حمادة طبعا ً جااري و مستعجل قدام البت .. جات نادتو واحده من الجكس ..
* حمادة سكر زيادة .. مشتاقيييييييييييييييين ,,,, عندي معاك موضوع مهم شديد ..
* I'm so sorry يا حبة.. عندي meeting معليييش ,,, gotta go
(( ميمي طبعا سامعة الكلام و بتقول لي روحا (هي!!! حمادة سكر زيادة!!! سكري لما يشل ركبك إن شاء الله .. بلا موضوع معاك ... حمادة بقى حقي انا بس..) .. حمادة مستعجل و ماشي الإجتماع ,, أقول ليك الإجتماع مع منو؟ ,, انتو مش عارفين !(مع تجار سوق و رجال أعمال) لالالا.. ماشي لي باقي الشلة ... حيتم باقي اليوم في بيت صحبو ... كشتينة و شيشة و قطيعة في الجكس ... في أحلى من كده إجتماعات!! ... حمادة الليلة عندو شمار جديييد لنج ,, بتاع ميمي,, ساق معاه باقي الشلة القاعدين في الجامعة ... و لما وصلوا لي ديلاك.. من الباب طبعاً ... حكوا ليهم الخبر..
* أسكت ساي يا مان .. حمادة أداها ليك 3 ساعات البت لما راسا لفّ ... و شايفاه حلم حلم .. و الله لما قام قررربت تجروا من قميصو ... هههههه ,,, تاني وييين يا ماما ... في الشاشة الغشاشة
(( حمادة طبعاً خشموا اتشرط من الضحك و التبسم ..
* آااي تاني وييين تلقاني .. خلاص إنتهى موضوعا .. أديها 14 يا مان ز
(( .....
.......
.. طبعاً جنس أكتر من ده ما بعرفو ,, وإلا حشك في روحي ..!
المهم .... بعداك قريب المغرب كده حمادة دور عربيتو ووصل الفرد لحدي بيوتهم ... أنا ما قلت ليكم حمادة ده ظريف... و دور على البيت .... أها البيت ده فيلم تاني ... ركب وش البؤس و التعب الذهني و الجسدي .. ماما جات عليهو شفقاانة المسكينة ,,, حمادة ما تعبان لكن من شقى القراية و تعب الجامعة .. و إرهاق الجلوس –لفترات طويلة – في كنبات الدراسة و مقاعد المكتبات ..
* كر كر علي .. تبرى يا ود أمي ... أحي أنا من القراية و سنين القراية .. و الله يا حمادة لو ما أبوك ,, أنا كان الجامعة دي قطعت رجلك منها ... أنحن نربي و الجامعة تمرض العيال !!!!
* و الله يا ماما تعباااااااااااااااااااااااان ...
(( و مع قولة تعبان دي ,, ريحة الشيشة الشربها هسسسع دي جات مارقة ,, لكن أمه الغشيمة ما بتكون فكرت ليها .. إمكن يكون شرب عصير !!!!؟ أكل حلاوة !!!!؟؟
* إستحم تلقاني جهزت ليك لقمة تاكلها ..
*لالالالا .. ما قادر زاتو .. بس داير انوم
* أجــــي!!!!!!! أصلو ما ممكن !! يا ولد إنت داير تموت في درب الجامعة دي !!؟ أصلو ما حخليك تنوم و بطنك فاضية .. أكل بعداك إرتاح.
* ok mum, as u like
(( أداها إبتسامة مرهقة كده .. و هي يا حبة عيني شفقانة تتطاقش يمين و شمال ...
....
* أكل ..حمادة أكل النبي ... يا ولدي بتموت علي ... عليك النبي تاكل .... ووووووب علي انا من الجامعات البتهد الحيل دي ..
* حاضر يا ماما .. حاااضر.
(( حمادة أكل خلاص و إستحم .. و غير هدومو لكن وين .. يمشي ينوم؟؟؟ لالا .. يا دوب ما بدا برنامج بالليل .. كيف ياخ!!! ده برنامج أشد من النهار .. ده أخفو فحيط عربات و مشاغلة بنات ... و كده!! لالا
ده مهم .. ما ممكن ينوم النوم بكرة بعد ما يتم الليل ده .. ملحوق ...
...
صحي والا ما صحي!!؟؟
... ((صحي..

** إعتـذار: إلى كل من إسمه محمد والا أحمد والا حمادة ... عن إستخدام إسمه أو إسم دلعه ... لكم العتبة حتى ترضو ... و شـكراً.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
akram
مشرف منتدي الهاتف الجوال
مشرف منتدي الهاتف الجوال
avatar

ذكر عدد الرسائل : 1482
العمر : 28
تاريخ التسجيل : 24/10/2007

مُساهمةموضوع: رد: حمـــ سكر زيادة ـــادة   الأحد ديسمبر 23 2007, 19:09

مشكووووووووووورة يا رائعة وبارك الله فيك تسلموووو وربنا مايحرمنا منك يا عسل

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
لينورا
مشرف منتدي الصحة
مشرف منتدي الصحة
avatar

انثى عدد الرسائل : 159
العمر : 26
تاريخ التسجيل : 07/11/2007

مُساهمةموضوع: رد: حمـــ سكر زيادة ـــادة   الثلاثاء ديسمبر 25 2007, 11:00

تسلم يا غالي ويديك العافيه وتقبل تحياتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عروس الرمال
رائع متواصل
رائع متواصل


انثى عدد الرسائل : 83
تاريخ التسجيل : 23/12/2007

مُساهمةموضوع: رد: حمـــ سكر زيادة ـــادة   الأحد يناير 06 2008, 16:46

تسلمي يا لينورا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
aboawah
مشرف منتدي القصص والحكايات
مشرف منتدي القصص والحكايات
avatar

ذكر عدد الرسائل : 735
العمر : 39
تاريخ التسجيل : 25/10/2007

مُساهمةموضوع: رد: حمـــ سكر زيادة ـــادة   الأحد يناير 06 2008, 17:40

الله عليك يا أستاذه تستاهلي عليهو وسام افضل مشارك في منتدى القصص والحكايات

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حمـــ سكر زيادة ـــادة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات نبــض السودان :: المنتديات الادبية :: منتدي القصص والحكايات-
انتقل الى: